بەغداد شاندیگ ئەرا ئاسانکردن هاوردن قوربانیەیل رویداویگ هاتوچو لە ئیران کل کەێد
2023-06-20T13:19:03+00:00
شەفەق نیوز/ وەزارەت دەیشت عراق، ئمڕوو سێشەممە، کلکردن شاندیگ قونسوڵی ئەرا شار نیشابوور ئیران راگەیان، ئەرا ئاسانکردن هاوردن قوربانیەیلیگ عراقی ئەرا خاک وڵات، دویای ئەوە ک کەفتنە وەر رویداویگ هاتوچو.
ئەحمەد سەحاف قسەکەر وەزارەت دەیشت عراق، لە بەیاننامەیگ رەسیە ئاژانس شەفەق نیوز وت: قونسوڵخانەی گشتی کۆمار عراق لە مەشهەد وە گرنگی گەورەیگ چەودیاریکردن رویداویگ هاتوچو کەێد، ک گەشتیارەیل عراقی لە شەفەق رووژ یەکشەممە خوەرئاوای شار نیشابوور تویشی هاتن، و بویە هوکار مردن سێ کەس و زەخمداری ١٧ کەس.
وەگورەی بەیاننامەگە، قونسوڵخانەگە شاندیگ قونسوڵی ئەرا شوین رویداوەگە کل کرد، ئەرا دەرکردن بڕاونامەی مردن و ئاسانکردن هاوردنیان ئەرا عراق.
پیرەکە یەکشەممە، ئاژانس ئیرنای ئیرانی خەوەردا لە کوشیان ٤ کەس عراقی و ١٩ زەخمداری لە رویداویگ هاتوچو ک بویە هوکار ویرانبوین پاسیان لە باکوور خوەرھەڵات ئیران.
