بەغداد.. زەخمداری گەنجیگ مەوقەی دەسکاریکردن دەوانچە و تلیان دوو کەس و کەفتن دوو کراکار لەبان بینای بەرزیگ
2024-08-20T12:54:07+00:00
شەفەق نیوز/ چەن رویداویگ ئمڕوو سێشەممە، لە بەغداد پایتەخت رویدا، لە تەقەکردن و تلیان و کەفتن لە بەرزایی.
سەرچەوەیگ ئەمنی ئەرا ئاژانس شەفەق نیوز وت: کەسوکارەیل گەنجیگ لەداڵگبوی ساڵ 2006 ئاگاداری لە زەخمداری کوڕەگەیان کردن وە گولە، مەوقەی دەسکاریکردن دەوانچە کە گولە لەلی مەرەقەز بوی لەناو ماڵیان لە ناوچەی حەی کووفە خوەرهەڵات بەغداد.
سەرچەوەگە وتیش؛ گەنجیگ لە تەمەن 20 ساڵان لە ئەنجام تلیانی وە ماشینیگ مەدەنی لە کاکەی گشتی ناوچەی حسێنیە زەخمدار بوی.
وتیش: هەر لە ناوچەی حسێنیە ژنیگ لەداڵگبوی ساڵ 1967 نزیک کۆمپانیا کەفتە وەر تلیان و زەخمدار بوی.
سەرچەوەگە وتیش: دوو کراکار لە بان بینای بەرزیگ کەفتنە خوارەو لە نزیک کارخانەی شیرەمەنی لە ناوچەی بووبیشام زەخمدار بوین.
