بەغداد.. چەکدارەیلیگ لەلای دادگا کەسیگ کوشن و دەسگیرکردن ژنیگ وە تاوان کوشتن

شەفەق نیوز/ سەرچەوەیگ لە پولیس، ئمڕوو سێشەممە، خەوەردا لە کەسیگ وە پەلاماریگ چەکدار نزیک دادگای لێکەوتەوە لە بەغداد، لە وەختیگ هیزەیل ئەمنی ژنیگ وە توومەت کوشتن دەسگیر کردن.

سەرچەوەگە ئەرا ئاژانس شەفەق نیوز وت: چەکدارەیلیگ نەناسیای تەقە لە کەسیگ کردن نزیک دادگای لێکۆڵینەوەی بەغداد جدیدە لە ناوچەی بەلەدیات کە وەکوتپڕ کوشیا، و دیاری کرد کە زانیارەیل سەرتایی باس کەن کە رویداوەگە لە ئەنجام ناکۆکی ناوەین ئامووزایل بویە.

لەلاییگ ترەک، هیزەیل ئەمنی توەنستن ژنیگ لەداڵگبوی ساڵ ١٩٧٦ دەسگیر بکەن وەگورەی مامەی ٤٠٦ لە یاسای سزادان عراقی، لەبان تاوان کوشتن، ئەوەیش لە ناوچەی نعێریە لە بەغداد جدیدە خوەرهەلات بەغداد، کە سەرچەوەگە دیاری کرد ژنەگە توومەتبارە وە کوشتن یەکیگ لە کەسوکارەیلی.