بەغداد.. دەسگیرکردن ژنیگ هاتیە نویسنگەی خانمە پەرلەمانتاریگ بسزنێد و پەیاکردن سێ دویەت وەڵبوی
2024-08-15T07:27:05+00:00
شەفەق نیوز/ سەرچەوەیگ ئەمنی لە بەغداد، ئمڕوو پەنجشەممە، خەوەردا کە هیزەیل ئەمنی ژنیگ دەسگیر کردن تەقەلا داگە نویسینگەی خانمە پەرلەمانتاریگ بسزنێد، و سێ دویەت خەڵک پارێزگای واست پەیا کریان کە لەناو بەغداد وڵبوینە.
سەرچەوەگە ئەرا ئاژانس شەفەق نیوز وت: هیزیگ ئەمنی ژنیگ دەسگیر کرد تواستیە نویسینگەی خانمە پەرلەمانتاریگ لە حەی عامل خوەرئاوای بەغداد وە نەفت بسزنێد.
وتیش؛ ژنەگە دریا دەس بنکەی پولیس وەبی ئاشکراکردن مدووەیل ئی کارە.
سەرچەوەگە وتیش: سێ دویەت خەڵک پارێزگای واست پەیا کریان، کە وتنە گوایە لە ریەگە وڵ بەیتە لە ناوچەی بەغداد جدیدە، کە دویەتەیل لە داڵگبوی 2006، و2009، و2010 بوین.
دیاری کرد کە ئەو دویەتەیلە دریانە دەس بنکەی پولیس ناوچەی بەغداد جدیدە.
