بەغداد.. دەسگیرکردن تیرۆرستیگ ناودیار و هەڵمەتیگ رەسێدە بەسیان پەنج هوتێل
شەفەق نیوز/ سەرچەوەیگ ئەمنی، ئمڕوو سێشەممە، خەوەردا لە دەسگیرکردن تیرۆرستیگ لە ریخریاگ داعش لەناو چێشتخانەیگ لە بەغدا، لە وەختیگ کە پایتەخت هەڵمەتیگ تایبەت وەبان هوتێلەیلیگ جیوەجی کریا، لەبان شکانن یاسا.
سەرچەوەگە ئەرا ئاژانس شەفەق نیوز وت: ئەمدانەیل پولیس رەسافە وەگەرد دەزگای هەواڵگری نیشتمانیر توەنست ئەو تیرۆریستە لەناو چێشتخانەیگ میللی لە ناوچەی ئەعزەمیە دەسگیر بکەێد.
سەرچەوەگە وتیش: ئەو توومەتبارە یاداشت دەسگیرکردن وەگورەی مادەی ٤ تیرۆر وەبانی دەرچگە، و لەناو ریخریاگ داعش وە نازناو (ئەبو هاجەر) ناسیاس.
لەلاییگ ترەک، فەرماندەیی پولیس بەغداد - رەسافە بەسانن پەنج هوتێل بیمووڵەت راگەیان و دەسگیرکردن خاوەنیان.
سەرچەوەگە ئەرا ئاژانس شەفەق نیوز وت: هیزیگ لە بەش پولیس کەڕادە و ئاسایش گەشتوگوزار و فەوج فریاکەفتن سێیەم و هەواڵگری کەڕادە و بنکەی پولیس سەعدون، شەو سێشەممە، ئەرکیگ ئەمنی جیوەجی کردن لەناوچەی سەعدون ناوڕاس بەغداد.
دیاری کرد کە ئەرکەگە رەسیە ئەنجام دەسگیرکردن کابرایەک وەناو (ل. م. ي) و بەسانن پەنج هوتێل بیمووڵەت.
