بەغداد.. توومارکردن دوو خوەیکوشتن یەکیگیان ژنیگ بویە خوەی لەبان بینایگ خستیە

شەفەق نیوز/ سەرچەوەیگ لە پولیس فیدڕاڵی، ئمڕوو جمعە، خەوەردا لە توومارکردن دوو خوەیکوشتن، ژنیگ و پیایگ، لە دوو رویداو جیاجیا لە دوو ناوچەی بەغدای پایتەخت.

سەرچەوەگە ئەرا ئاژانس شەفەق نیوز وت: پیاویگ لەداڵگبوی ساڵ ١٩٥٥ خوەی کوشت، کە وە پەتیگ لەقەی قەواسەی ئەو نانەواخانە کە لەناوی کار کەێد لە ناوچەی زاعفەرانیە خوەی دادە سێدارە.

وەگورەی زانیارییەیل، ئەو خوەیکوشتنە لە ئەنجام فشار دەروینی بویە.

لە رویداویگ هاوشیوە، سەرچەوەگە خەوەردا کە ژنیگ لەداڵگبوی ساڵ ١٩٩٠، فەرمانبەرە لە وەزارەت نەفت، خوەی لە بەرزایی بینای ماڵەگەی لە ناوچەی بەسمایە خستە خوار.

هەرلیوا، هوکارەیل خوەیکوشتن ئەو ژنە دیار نییە، و لێکۆڵینەوە لە رویداوەگە واز کریا.