بەغداد.. تەرمیگ و دوو زەخمدار و دزیکردن چەکداری لە جەژن

شەفەق نیوز/ هێزە ئەمنیەیلە، ئمڕوو پەنجشەممە، تەرمیگ نەناسریاگ پەیا کردن، و مرافەیگ و دوو زەخمدار تۆمار کردن، و هەمیش دزیکردن چەکداریگ لە ناوچەیلیگ جیاجیا لە بەغداد پایتەخت.

سەرچەوەیگ ئەمنی ئەرا ئاژانس شەفەق نیوز وت: هێزیگ ئەمنی، نیمەڕو ئمڕوو، تەرمیگ نەناسریاگ لە ناوچەی حسێنیەی باکوور بەغداد پەیا کرد، و شوین زەخمەیل چەقو لە زگی بوی.

سەرچەوەگە وتیش؛ دوو کەس لەوەر مرافەیگ لەناونی بڕی گەنج ک رەسیە وەکارهاوردن چەک چەرمگ وت لە شار سەدر لە بەغداد پایتەخت زەخمدار بوین.

سەرچەوەگە هەمیش باس کرد ک چەکدارەیلیگ نەناسریاگ چگنە ناو ماڵ چووڵیگ لە ناوچەی بەلەدیات، و تەڵا وپویل لەناوی دزی کردن و واین.