بەغداد.. پەیاکردن تەرم ئەفسەریگ وە پلەی موقەدەم وەشویەی نادیاریگ کوشیایە
2022-08-07T15:05:14+00:00
شەفەق نیوز/ سەرچەوەیگ ئەمنی، ئمڕوو یەکشەممە، خەوەردا لە پەیاکردن ئەو ئەفسەریگ لە سوپای عراق، وەشیوەی نادیاریگ لەناو ماڵەگەی لە بەغداد پایتەخت کوشیایە.
سەرچەوەگە ئەرا ئاژانس شەفەق نیوز وت: ئەفسەریگ وە پلەی موقەدەم لەداڵگبوی ١٩٨٣ لە وەڕێوەبەرایەتی راهینان لە وەزارەت وەگری عراق، تەرمەگەی لەناو یەکیگ لە ژوورویل ماڵەگەی پەیا کریا، وەبی باسکردن هویردەکاری.
سەرچەوەگە وتیش: تەرمەگە هویچ زەخمیگ وەپیەو نییە، وهەڵگریا و ئەرا فەرمانگەی پزشک دادوەری بریا، تا بڕەسنە هووکار مردنەگەی.
