بەغدا...پویچەڵکردن تەقەلای خوەیکوشتن پیاو 90 ساڵانیگ
2022-07-12T11:47:54+00:00
شەفەق نیوز/ سەرچەوەگ ئەمنی، ئمڕوو سێشەممە، خەوەردا ک تیمەیل فریاگوزاری پیاویگ نەوت ساڵان لە تەقەڵایگ خوەی کوشتن لەری ئامراز تیژیگ لە باکوور بەغدا قورتار کردن.
سەرچەوەگە وە ئاژانس شەفەق نیوز وت: " تیم فریاگوزاری ئمروو لە چرکەیل کۆتایی، پیاویگ وەساڵاچگ 90 ساڵان قورتارکردنە ک چەقوو وە دەسی بویە تەقەلای کوشتن خوەی دایە لە ناوچەی کازمیەی باکوور بەغدا".
سەرچەوەگە وتیش: " هیزەیل ئەمنی زوی پیاوەگە رەساننە یەکیگ لە خەسخانەیل ئەرا وەرگردن چارەسەر زەخمداریەگەی، لێکۆلینەوە لە هوکار خوەیکوشتنەگەی وازکریایە".
