بەغدا و بابل...زیندانیکردن هەتایی بازرگانیگ هوشبەر و دەسگیرکردن ژنیگ خوەی کردیەسە پارێزەر
ناوەند راگەیانن ئەنجومەن دادوەری باڵا لە بەیاننامەیگ رەسیە ئاژانس شەفەق نیوز، "دادگای تاوانەیل بابل دۆسیەی توومەتباریگ تاوتوێ کردیە ک بازرگانی وە بڕ فرەیگ لە مادەی کریستاڵ هوشبەر کردیە و گواستیەسەوەی لە نیوان پارێزگایەیل"، دیاریکرد توومەتبارەگە دەسگیرکریایە لە یەکیگ لە بازگەیل ئەمنی لە وەخت لێکۆلینەوە و دادگاییکردنی دان وە ئەوە نایە بازرگانی وە بڕ مادەی هوشبەر کردیە.
وتیش، " دادگا بەڵگە پەیاکرد تا سزای بیەێد وە زیندانی هەتایی وەپای مادی 28/یەکەم لە یاسای هوشبەر و کاریگەری دەروینەیل شمارە 50 ساڵ 2017.
هەمیش مەفرەزەیل وەڕەوەرایەتی دژە تیرۆر / نوسینگەی کەرادە دژە تاوانەیل ژنە توومەتباریگ دەسگیرکردنە ک خوەی جویر پارێزەر نیشاندایە ئەرا ئەوەگ وە دویاچگن ئەا مامەڵەیل بکەێد لە یەکیگ لە فەرمانگەیل حکومی لە بەغدا.
لە بەیاننامەیگ رەسیە ئاژانس شەفەق نیوز دیاریکرد، " قسەیل سەرەتایی و توومارکریاگە لە دادگایی دانوەپی ناین، و دادوەر بڕیاردا وە لێکۆلینەوەو و زیندانیکردن وەگورەی مادەی 160 لەیاسای سزادان".
