بەسرەو بەغدا... خوەیکوشتن پیاویگ و زەخمدای پەنج کەس وە رویداو هاتوچو
2022-07-24T07:42:16+00:00
شەفەق نیوز/ پیاویگ ل پارێزگای بەسرە باشوور عراق، ئمڕوو یەکشەممە، خوەی کوشتیە و پەنج کەس تویش زەخمداری بویە وە رویداو هاتوچو لە باشوور خوەرئاوەی بەغدا.
سەرچەوەیگ لە پۆلیس ناوخۆ وە ئاژانس شەفەق نیوز وت، پیاویگ 42 ساڵان خوەیکوشتیە لەی خوەیهەڵواسین لەناو ماڵەگەی لە قەزای زوبێر خوەئاوای پارێزگای بەسرە.
وتیش، تائیسە هوکار خوەی کوشتنەگەی پاڵنەرەیل پیاوەگە ئەرا خوەی کوشتن نەزانیایە، دەزگایل تایبەت لێکۆڵینەوە لە رویداوەگە کەن.
هەمیش 5 کەس ک ژنیش هاناویان زەخمداربوینە وە رویداو پلیان ماشین لەبان ری خێرا لە لەتیفیە- عەلوانیە باشوور خوەرئاووی بەغدا.
لە رویداویگتر دوو کەس گیان لە دەسدانە و سێ کەسیش زەخمدارە وە رویداویگ هاتوچوی لە ری بەعقوبە-مەنسوریە لە خوەرهەڵات پارێزگای دیالە.
