بەسرە...دەسگیرکردن سێ کەس پیاویگ کوشتنە و تەرمەگەی لەناو ماشین سزاننە

شەفەق نیوز/ وەڕێەوبەرایەتی پۆلیس پارێزگای بەسرە، ئمڕوو سێشەممە، خەوەردا لە دەسگیرکردن سێ کەس  ک یەکیگیان ژنە، کارمەندیگ لە دەزگای ئەمن نیشتمانی کوشتنە و لەناو ماشین ئاگر لە تەرمەگەی وەردانە لە قەزای "ئەبی خەسیب" سەر وە پارێزگاگە.

وەڕێەوبەرایەتیەگە لە بەیاننامیگ ک وە ئاژانس شەفەق نیوز رەسیە راگەیان، بەش پۆلیس "ئەبی خەسیب" خەوەردار کریا لە هەبوین ماشین سزیايیگ لە قەزاگە لە ناوچەی هەمزە، لەدویای کپەوکردن ئاگرەگە تەرم سزیایيگ لەناو سندوق ماشینەگە پەیاکریا. 

لە بەیاننامەگە وتیش، لەوەر گرنگی رویداوەگە ومەترسیەیلی، ئەمن نشتمانی تیمیگ کارکردن دروسکرد وە سەرپەرشتی فەرماندەی پۆلیس پارێزگای بەسرە لیوای مافپەروەر عەلی عەدنان عەبدولحەمید و ئەفسەرەیل لێکۆڵینەوە لە پۆلیس ناوخوەیی و هەواڵگێری و  ئاسایش نشتمانی ئەرا ئاشکەراکردن بندروس رویداوەگه.