بەسرە.. تەقەلای کپەوکردن ئاگر گەورەیگ و توومارکردن پەنج تاسیان

شەفەق نیوز/ سەرچەوەیگ ئەمنی لە بەسرە، ئەمروو جمعە، خەوەردا لە توومارکردن تاسیان چەن کەسیگ لە ئەنجام هیزگردن ئاگر گەورەیگ لەناو ئەمار ئامێرەیل ناوماڵە ناوڕاس شارەگە.

سەرچەوەگە ئەرا ئاژانس شەفەق نیوز وت: تیمەیل وەرگری شارستانی تەقەلای دەن ئاگر گەورەیگ لەناو ئەماریگ ئامێرەیل ناوماڵە لە ناوچەی داکیر لە عەشار ناوڕاس شار بەسرە کپەو بکەن.

دیاری کرد کە تیمەیل وەرگری شارستانی پەنج تاسیان توومار کردن و کەفتنە وەر سەختی لە کپەوکردن ئاگرەگە، و هەمیش تەقەلا دەن کۆنترۆڵ زوان ئاگرەگە بکەن تا نەڕەسێد وەرەو ئەمارەیل شانی.