بڕیگ کەس و تەور پەلامار هۆڵیگ بوونەیل لە بەغداد دەن
2023-05-04T10:20:45+00:00
شەفەق نیوز/ گرووپیگ وە چەک و تەور، ئمڕوو پەنجشەممە، پەلامار هۆڵیگ ئەرا بوون و ئاهەنگ لە ناوچەی دۆرە لە باشوور بەغداد پایتەخت دان.
سەرچەوەیگ ئەمنی ئەرا ئاژانس شەفەق نیوز وت: بڕیگ کەس وەناو ماشینیگ کۆستەر، پەلامار یەکیگ لە هۆڵ بوونەیل لە ناوچەی دۆرە دان، و دەس لە کراکارەیل وەشانن و وە گولە کامیرایل ناو هۆڵەگە شکانن، و لەلای کەمەو چوار کەس زەخمدار کردن، وتیش: ئەو کەسەیلە تەور وەدەسیان بویە وەگەر چەکیش.
سەرچەوەگە دیاری کرد ک هیزیگ ئەمنی رەسیە شوین رویداوەگە و توەنست زیاتر لە نۆ کەس دەسگیر بکەێد، و لێکۆڵینەوە لە رویداوەگە واز کریا، و زەخمدارەیل ئەرا خەسەخانە بریان.
