بەسڕە و بەغداد...ناخاڵیگ باوگ خوەی کوشێد لەوەر چزداین خوەشکەی و دەسگیرکردن چەن کەسیگ دەسدرویژی کردنە وەبان دویەتیگ
سەرچەوەیگ لە لە فەرماندەیی پۆلیس بەسڕە وە ئاژانس شەفەق نیوز وت، "ناخاڵیگ دەسگیرکریایە کە وە گولە باوگی کوشتیە هەنای خەفتیە لە قەزای دیرە".
سەرچەوەگە دیاریکرد "تاوانبارەگە دەسگیر کریایە وەپای قسەیلی چز خوەشکەی دایە ئیەش هووکار بویە تا ئەو و خوەشکەی لەناو خەو خوەیان لەلی قورتاربکەن".
هەمیش، مەفرەزەی وەڕێوەبەرایەتی دژە تاوانەیل بەغداد چوار کەس دەسگیرکەن کە چز دویەتیک دانەی لەری ئەلکترۆنیا و وەرەو ماڵیگ کێشانەسێ و وە نۆرە دەسدرویژی سێکسی کردنەسە بانی.
لە بەیاننامەگە دیاریکرد "لەدویای رەسین زانیاری وە مەفرەزەیل وەرێوەبەرایەتیەگەمان لەباوەت ئەوەگ دویەتیگ وە لایەن چوارکەس دەسدرویژی وەبانی کریایە ئۆپراسیۆن دەسگیرکردنەگە ئەنجامدریا دەسوەجی تیمیگ کارکردن ئەرا چەودێری کردن باوەتەگە دروسکریا".
وەپای بەیاننامەگە "لەدویای لێکۆڵینەوە و کووەوکردن زانیاری و تەقەلای گەپیگ و ناوازەیگ رەسینەس وە توومەتبارەیل و دەسگیکریانە، رێکارەیل یاسایی وەرانوەریان گیرێد و رادەس داداکریەن ئەرا سزای دادپەروەرانە".
