بەزرەبوین نرخ دۆلار لە بازاڕەیل بەغداد

شەفەق نیوز/ نرخ دۆلار ئەمریکی وەرانوەر دینار عراقی، ئمڕوو شەممە، لە بۆرسەی سەرەکی بەغداد پایتەخت، وەشیوەی کەمیگ بەرزەو بوی.   

پەیامنێر ئاژانس شەفەق نيوز وت: نرخ دۆلار ئەمریکی وەرانوەر دینار عراقی لە بۆرسەی کیفاح و حارسیە لە بەغداد پایتەخت، شەوەکی ئمڕوو، رەسیە ١٤٧٤٥٠ دینار.  

شەوەکی رووژ پەنجشەممەی گوزەشتە، نرخ دۆلار رەسیە ١٤٧٤٠٠ دینار عراقی وەرانوەر ١٠٠ دۆلار ئەمریکی.   

پەیامنێر ئاژانسمان وتیش: نرخ فرووشتن و سەنین لە دوکانەیل ناوخۆیی بەغداد جیگیرە، ک نرخ فرووشتن رەسیە ١٤٨٠٠٠ دینار عراقی وەرانوەر ١٠٠ دۆلار ئەمریکی، و نرخ سەنینی رەسیە ١٤٧٠٠٠ دینار عراقی.