بەرهەم ساڵح ئەرا وەرپرس حەشد دووپات لە کۆنتڕۆڵکردن چەک بەڕەڵا کەێد

بەرهەم ساڵح ئەرا وەرپرس حەشد دووپات لە کۆنتڕۆڵکردن چەک بەڕەڵا کەێد
2020-11-18T12:46:34+00:00
شەفەق نیوز/ بەرهەم ساڵح سەرۆک کۆمار، ئمڕوو چوارشەممە، دووپاتکرد لە گرنگی کۆنتڕۆڵکردن چەک بەڕەڵا و مقەیەتی ئاشتی کۆمەڵگا. بەیاننامەیگ لە سەرۆکایەتی کۆمار رەسیە ئاژانس شەفەق نیوز وت: ساڵح لە کۆشک ئاشتی پێشوازی لە فالح فەیاز وەرپەرس حەشد شەعبی کرد، و لە چەوپیکەفتنەگە دووپاتی لە گرنگی تەقەلای ئەمنی دژوە تیرۆر و وەشوونکەفتن شاتەیل داعش کریا، وەگەرد باڵپشتی دەسەڵات دەوڵەت و دەزگا ئەمنیەگاتی لە مقەیەتی ئاسایش هاووڵاتیبەگان. سەرۆک کۆمار جەختکرد لە گرنگی بتەوکردن ئاسایش و ئارامی، و لەدەسنەیان سەرکەفتتەگان لەبان تیرۆر، و کۆنتڕۆڵکردن چەک بەڕەڵا و گرنگی مقەیەتی ئاشتی کۆمەڵایەتی و ئاسایش گشتی. ئەو چەوپێکەفتنە لە دویای یەک رووژ لە کەفتن مووشەکەگان لەناوچەی خەزڕا تیەێد، و ئەیە یەکەم پەلامارە لەی شیوە لە ماوەی دەور پەنج هەفتەو، دویای وسانن پەلامارەگان لەدویای راگەیانن کومەڵەیگ ناو خوەیان وە وەرخودان عراڤی نان لە دەی مانگ گوزەیشتە، هەنای راگەیان وسانن ئۆپراسیۆنەیلی دژوە هێز و بەرژەوەنیە ئەمریکیەگان لە عراق، ئەرا دەرفەت داین لەنوای کیشانەوەیان لە وڵاتەگە.
Shafaq Live
Shafaq Live