بۆرسەیل بەغداد و هەولێر لەبان بەرزەوبوین گەورەیگ لە نرخ دۆلار دەرەیلیان بەسن

بۆرسەیل بەغداد و هەولێر لەبان بەرزەوبوین گەورەیگ لە نرخ دۆلار دەرەیلیان بەسن
2022-12-06T15:16:06+00:00

شەفەق نیوز/ نرخ دۆلار ئەمریکی وەرانەوەر دینار عراقی ، ئمڕوو سێشەممە، وەگەرد بەسیان بۆرسەی سەرەکی بەغداد و هەولێر پایتەخت هەرێم کوردستان، وە شیوەی گەورەیگ بەرزەو بوی.

پەیامنێر ئاژانس شەفەق نیوز وت: بۆرسەی کیفاح و حارسیە لە بەغداد پایتەخت، ئیوارەی ئمڕوو، لەبان نرخ ١٥٠١٥٠ دینار عراقی وەرانوەر ١٠٠ دۆلار ئەمریکی دەرەیلیان بەسان.

پەیامنێر ئاژانسمان وتیش: نرخ فرووشتن و سەنین لە دوکانەیل ناوخوەیی بەغداد جیگر بوی، ک نرخ فرووشتن رەسیە ١٥٠٥٠٠ دینار عراقی وەرانوەر ١٠٠ دۆلار ئەمریکی، و نرخ سەنینی رەسیە ١٥٠٠٠٠ دینار عراقی.

لە هەولێر پایتەخت هەرێم کوردستان، نرخ دۆلار هەمیش وەگەرد بەسیان بۆرسە بەرزەوبوین توومار کرد، ک نرخ فرووشتن رەسیە ١٥٠١٠٠ دینار عراقی وەرانوەر ١٠٠ دۆلار ئەمریکی، و نرخ سەنینی رەسیە ١٥٠٠٠٠ دینار عراقی.

جی باسە ک بانک ناوەندی عراق، رووژ یەکشەممەی گوزەشتە بڕیار زیادکردن بەش بانکەیل و کۆمپانیایل دراو دا، ئەوەیش ئەرا ئەرزانکردن نرخ دۆلار لە بازاڕەیل ناوخوەیی، ک وەی دویاییە وەشیوەی گەورەیگ لە نرخ بانکەگە کرانترەو بوی.

Shafaq Live
Shafaq Live