بۆرسەی عراق تا شەش رووژ کاری وسنێد
2023-06-24T10:51:10+00:00
شەفەق نیوز/ بۆرسەی عراق، ئمڕوو شەممە، وسیان کارەیلی تا ماوەی شەش رووژ راگەیان.
بازاڕەگە لە بەیاننامەیگ رەسیە ئاژانس شەفەق نیوز وت: لە بنەمای بڕیار ئەنجومەن وەزیرەیل وە راگەیانن پشوو فەرمی تا ماوەی پەنج رووژ وە بوونەی جەژن قوربان، ئەراوە دویاترین دانیشتن سەنین و فرووشتنی کەفێدە رووژ دووشەممەی ٢٦ نیسان.
وتیش: یەکەمین دانیشتن بۆرسە دویای پشوو جەژن قوربان کەفێدە رووژ دووشەممە ٣ی تەمووز.
جی باسە ک بۆرسە لە هەفتەیل پەنج دانیشتن سەنین فرووشتن ئەنجام دەێد، ک لە یەکشەممە تا پەنجشەممە وەردەوام بوود، و ١٠٣ کۆمپانیای تیرەدار عراقی لە کورتە بانکەیل و پەیوەندیەیل و پیشەسازی و کشتوکاڵی و پیمە و بەرهەمهاوردن و گەشتوگوزاری و هوتێل و خزمەتگوزاری لەناوی توومار کریاگە.
