بەرزەوبوین نوویگ لە پلەی گەرمی.. کەشناسی عراق لەی چوار رووژ بانانە
2023-07-29T13:41:09+00:00
شەفەق نیوز/ دەسەی کەشناسی عراق، ئمڕوو شەممە، کەشوهەوای وڵاتەگە لەی رووژەیل بانانە بڵاو کرد، و باس بەرزەوبوین پلەی گەرمی کرد.
دەسەگە لە بەیاننامەیگ رەسیە ئاژانس شەفەق نیوز وت: کەشوهەوای ئمڕوو لە گشت وڵاتەگە خوەر و گەرم، و پلەی گەرمی نزیک رووژ وەرجە خوەیە، و دیاری کرد کە پلەی گەرمی مەزن لە بەغداد و مووسڵ و دیالە و ئەنبار و واست رەسێدە ٤٦ پلەی سەدی، و لە کەربەلا و بابل و ناسریە و موسەنا و کەرکوک ٤٧ پلە، و لە نەجەف و میسان و سەڵاحەدین ٤٨ پلە، و لە بەسرە ٤٩ پلەی سەدی.
وتیش: سوو یەکشەممە، خوەر گەرمە، و لە لە گشت ناوچەیل وڵاتەگە نزیک رووژ وەرجە خوەیە،و لە رووژ دووشەممە، هەمیش خوەر و گەرمە، و پلەی گەرمی لە ناوچەیل ناوڕاس و باکوور وڵاتەگە کەمیگ بەرزەو بوود، و لە ناوچەی باکوور نزیک رووژ وەرجە خوەیە.
بەیاننامەگە دیاری کرد ک کەشوهەوای رزوژ سێشەممەی ئایندە لە گشت ناوچەیل وڵاتەگە خوەر و گەرمە، و پلەی گەرمی کەمیگ بەرزەو بوود.
