بەرزەوبوین نرخ دۆلار وەگەرد بەسیان بازاڕەیل بەغداد
![بەرزەوبوین نرخ دۆلار وەگەرد بەسیان بازاڕەیل بەغداد](https://media.shafaq.com/media/arcella/1655910949240.jpg)
2022-06-22T15:16:02+00:00
شەفەق نیوز/ نرخ دۆلار ئەمریکی وەرانوەر دینار عراقی، ئمڕوو چوارشەممە، وەگەرد بەسیان بۆرسەی سەرەکی بەغداد، وەشیوەی کەمیگ بەرزەو بوی.
پەیامنێر ئاژانس شەفەق نيوز وت: بۆرسەی کیفاح و حارسیە لە بەغداد پایتەخت، ئیوارەی ئمڕوو، لەبان نرخ ١٤٨٣٥٠ دینار عراقی وەرانوەر ١٠٠ دۆلار ئەمریکی دەرەیلیان بەسان، وشەوەکی ئمڕوو، نرخ ١٠٠ دۆلار ئەمریکی رەسیە ١٤٨٣٠٠ دینار عراقی.
پەیامنێر ئاژانسمان وتیش: نرخ فرووشتن و سەنین لە دوکانەیل ناوخۆیی بەغداد جیگیرە، ک نرخ فرووشتن رەسیە ١٤٨٧٥٠ دینار عراقی وەرانوەر ١٠٠ دۆلار ئەمریکی، و نرخ سەنینی رەسیە ١٤٧٧٥٠ دینار عراقی.