بەرزەوبوین نرخ دۆلار وەگەرد بەسیان بازاڕەیل بەغدا

شەفەق نیوز/ نرخ دۆلار ئەمریکی وەرانوەر دینار عراقی،  ئمڕوو دوشەممە، وەگەرد بەسیان  بۆرسەی سەرەکی بەغداد پایتەخت بەرزەوبوی.        

پەیامنێر ئاژانس شەفەق نيوز وت: بۆرسەی کیفاح و حارسیە لە بەغداد، لە وەخت وەسین 147950 عراقی وەرانوەر 100 دۆلار ئەمریکی توومار کردن، شەوەکی ئمروو 147800 وەراوەر 100 دۆلار بوی.     

پەیامنێرمان وتیش؛ نرخ فرووشتن و سەنین لە دوکانەیل ناوخۆیی بەغداد بەرزەوبوی، نرخ فرووشتن رەسیە 148500 دینار عراقی وەرانوەر 100 دۆلار ئەمریکی،  و نرخ سەنینی رەسیە 147500 دینارعراقی .