بەرزەوبوین نرخ دۆلار وەگەرد بەسیان بۆرسەیل بەغداد و لە هەولێر

شەفەق نیوز/ نرخ دۆلار ئەمریکی وەرانەور دینار عراقی، ئمڕوو شەممە، وەگەرد بەسیان بۆرسەیل سەرەکی بەغداد پایتەخت، و لە هەولێر پایتەخت هەرێم کوردستان، بەرزەو بوی.

پەیامنێر ئاژانس شەفەق نیوز وت: بۆرسەیل سەرەکی کیفاح و حارسیە لە بەغدای پایتەخت، ئیوارەی ئمڕوو، لەبان نرخ 151000 دينار عراقی وەرانەور 100 دۆلار ئەمریکی دەرەیلیان بەسا.

شەوەکی ئمڕوو، نرخ 100 دۆلار ئەمریکی رەسیە 150650 دينار عراقی.

پەیامنێرمان وتیش: نرخ فرووشتن و سەنین لە دوکانەیل ناوخوەیی بەغداد بەرزەو بوی، کە نرخ فرووشتن 100 دۆلار ئەمریکی رەسیە 152000 دينار عراقی، و نرخ سەنینی رەسیە 150000 دينار عراقی.

لە هەولێر پایتەخت هەرێم کوردستان، نرخ دۆلار هەمیش بەرزەو بوی، کە نرخ فرووشتن 100 دۆلار ئەمریکی رەسیە 150450 دينار عراقی، و نرخ سەنینی رەسیە 150250 دينار عراقی.