بەرزەوبوین نرخ دۆلار وەگەرد بەسیان بۆرسەی بەغداد و هەولێر
![بەرزەوبوین نرخ دۆلار وەگەرد بەسیان بۆرسەی بەغداد و هەولێر](https://media.shafaq.com/media/arcella/1719237091595.jpg)
2024-06-24T13:51:46+00:00
شەفەق نیوز/ نرخ دۆلار ئەمریکی، وەرانەور دینار عراقی، ئمڕوو دووشەممە، وەگەرد بەسیان بۆرسەی سەرەکی بەغداد پایتەخت، و لە هەولێر پایتەخت هەرێم کوردستان، بەرزەو بوی.
پەیامنێر ئاژانس شەفەق نیوز وت: بۆرسەی سەرەکی کیفاح و حارسیە لە بەغدای پایتەخت، ئیوارەی ئمڕوو، لەبان نرخ 147750 دينار عراقی وەرانەور 100 دۆلار ئەمریکی دەرەیلیان بەسان.
شەوەکی ئمڕوو، نرخ 100 دۆلار ئەمریکی رەسیە 147000 دينار عراقی.
پەیامنێر ئاژانسمان وتیش: نرخ فرووشتن و سەنین لە دوکانەیل ناوخوەیی بەغداد بەرزەو بوی، کە نرخ فرووشتن 100 دۆلار ئەمریکی رەسیە 148750 دينار عراقی، و نرخ سەنینی رەسیە 146750 دينار عراقی.
لە هەولێر پایتەخت هەرێم کوردستان، نرخ دۆلار هەمیش وەگەرد بەسیان بۆرسە بەرزەو بوی، کە نرخ فرووشتن 100 دۆلار ئەمریکی رەسیە 147800 دينار عراقی، و نرخ سەنینی رەسیە 147700 دينار عراقی.