بەرزەوبوین نرخ دۆلار وەگەرد بەسیان بۆرسەی بەغداد و هەولێر
2023-11-05T14:08:46+00:00
شەفەق نیوز/ نرخ دۆلار ئەمریکی وەرانەوەر دینار عراقی، ئمڕوو یەکشەممە، وەگەرد بەسیان بۆرسەی سەرەکی بەغداد پایتەخت، و لە هەولێر پایتەخت هەرێم کوردستان، بەرزەو بوی.
پەیامنێر ئاژانس شەفەق نیوز وت: بۆرسەی سەرەکی کیفاح و حارسیە لە بەغداد پایتەخت، ئیوارەی ئمڕوو، لەبان نرخ 163550 دینار عراقی وەرانوەر 100 دۆلار ئەمریکی دەرەیلیان بەسان.
شەوەکی ئمڕوو، نرخ 100 دۆلار ئەمریکی رەسیە 163200 دینار عراقی.
پەیامنێر ئاژانسمان وتیش: نرخ فرووشتن و سەنین لە دوکانەیل ناوخوەیی بەغداد بەرزەو بوی، کە نرخ فرووشتن 100 دۆلار ئەمریکی رەسیە 164500 دینار عراقی، و نرخ سەنینی رەسیە 162500 دینار عراقی.
لە هەولێر پایتەخت هەرێم کوردستان، نرخ دۆلار ئەمریکی هەمیش بەرزەو بوی، کە نرخ فرووشتن 100 دۆلار ئەمریکی رەسیە 163650 دینار عراقی، و نرخ سەنینی رەسیە 163550 دینار عراقی.
