بەرزەوبوین نرخ دۆلار لە بەغداد و هەولێر وەگەرد بەسیان بۆرسەیل
![بەرزەوبوین نرخ دۆلار لە بەغداد و هەولێر وەگەرد بەسیان بۆرسەیل](https://media.shafaq.com/media/arcella/1702992966765.jpg)
2023-12-19T13:36:48+00:00
شەفەق نیوز/ نرخ دۆلار ئەمریکی وەرانوەر دینار عراقی، ئمڕوو سێشەممە، وەگەرد بەسیان بۆرسەی سەرەکی لە بەغداد پایتەخت و هەولێر بەرزەوبوی.
پەیامنێر ئاژانس شەفەق نيوز وت: بۆرسەی کیفاح و حارسیە لە بەغداد، لە وەخت بەسین 154500 عراقی وەرانوەر 100 دۆلار ئەمریکی توومار کردن. لە شەوەکی ئمڕوو 154300 عراقی وەرانوەر 100 دۆلار بوی.
پەیامنێرمان وتیش؛ نرخ فرووشتن و سەنین لە دوکانەیل ناوخۆیی بەغداد بەرزەوبوی، نرخ فرووشتن رەسیە 155500 دینار عراقی وەرانوەر 100 دۆلار ئەمریکی، و نرخ سەنینی رەسیە 153500 دینارعراقی .
لە هەولێریش وەرگەرد بەسیان بۆرسە نرخ دۆلار بەرزەوبوی و نرخ فرووشتنی رەسیە 154200 دينار وەرانوەر 100 دولار، نرخ فرووشتن 154100 دينار وەرانوەر 100 دولار.