بەرزەوبوین نرخ دۆلار لە بەغداد و هەرێم کوردستان

شەفەق نیوز/ نرخ دۆلار، ئمڕوو یەکشەممە، لە بۆرسەی سەرەکی  بەغداد و هەرێم کوردستان کەمیگ بەرزەو بوی.

پەیامنێر ئاژانس شەفەق نیوز وت: بۆرسەی کیفاح و حارسیە لە بەغداد ١٤٨٢٥٠ دینار وەرانوەر ١٠٠ دۆلار ئەمریکی تۆمار کردن.  دوێەکە شەممە نرخ دۆلار لە بۆرسەی سەرەکی کیفاح رەسیە ١٤٨١٠٠ دینار وەرانوەر ١٠٠ دۆلار.

پەیامنێرەگەمان نشان دا ک نرخ فرووشتن و سەنەین لە دوکانەیل ئاڵشتکردن لە بازاڕە ناوخۆیلە بەرزەو بوی ک نرخ فرووشتن رەسیە ١٤٨٧٥٠ دینار، و نرخ سەنین رەسیە ١٤٧٧٥٠ دینار وەرانوەر ١٠٠ دۆلار ئەمریکی.

لە هەولێر پایتەخت هەرێم کوردستان نرخ دۆلار هەمیش بەرزەوبوین وەخوەی دی ک نرخ فرووشتن رەسیە ١٤٨١٥٠ دینار وەرانوەر ١٠٠ دۆلار ئەمریکی، و نرخ سەنین رەسیە ١٤٧٩٠٠ دینار وەرانوەر ١٠٠ دۆلار ئەمریکی.