بەرزەوبوین نرخ دۆلار لە بەغداد و داوەزینی لەهەرێم کوردستان
2021-03-29T07:29:51+00:00
شەفەق نیوز/ ئمڕوو دووشەممە، نرخ دۆلار لە بۆرسەی سەرەکی لە بەغداد بەرزەو بوی، و لە هەرێم کوردستان داوەزیا.
پەیامنێر ئاژانس شەفەق نیوز وت: بۆرسەی کیفاح لە بەغداد ١٤٤٧٥٠ دینار وەرانوەر ١٠٠ دۆلار ئەمریکی تۆمار کرد، و بۆرسەی حارسیە ١٤٤٨٠٠ دینار عراقی وەرانوەر ١٠٠ دۆلار ئەمریکی تۆمار کرد.
دوێەکە یەکشەممە بۆرسەی کیفاح ١٤٤٦٠٠ دینار عراقی تۆمار کرد.
پەیمانێرەگەمان ئاماژە کرد ک نرخ فرووشتن لە دوکانەیل ئاڵشتکردنەکان لە بازاڕە ناوخۆیەکان لە بەغداد بەرزەو بوی، ک نرخ فرووشتن رەسیە ١٤٥٢٥٠ دینار عراقی، و نرخ سەنین رەسیە ١٤٤٢٥٠ دینار وەرانوەر ١٠٠ دۆلار ئەمریکی.
لە هەولێر پایتەخت هەرێم کوردستان نرخ دۆلار داوەزین وەخوەی دی ک نرخ فرووشتن رەسیە ١٤٤٨٠٠ وەرانوەر ١٠٠ دۆلار ئەمریکی و نرخ سەنین رەسیە ١٤٤٥٠٠ دینار وەرانوەر ١٠٠ دۆلار ئەمریکی.
