بەرزەوبوین نرخ دۆلار لە بەغداد

شەفەق نیوز/ نرخ دۆلار ئەمریکی وەرانوەر دینار عراقی، ئمڕوو شەممە، لە بۆرسەی سەرەکی بەغداد پایتەخت بەرزەو بوی.  

پەیامنێر ئاژانس شەفەق نيوز وت: نرخ دۆلار ئەمریکی لە بۆرسەی کیفاح و حارسیە لە بەغداد، شەوەکی ئمڕوو، رەسیە ١٤٧٦٥٠ دینار عراقی وەرانوەر ١٠٠ دۆلار ئەمریکی.  

شەوەکی رووژ پەنجشەممەی گوزەشتە، نرخ دۆلار رەسیە ١٤٧٥٥٠ دینار عراقی وەرانوەر ١٠٠ دۆلار ئەمریکی. 

پەیامنێر ئاژانسمان وتیش: نرخ فرووشتن و سەنین لە دوکانەیل ناوخۆیی بەغداد جیگیرە، ک نرخ فرووشتن رەسیە ١٤٨٠٠٠ دینار عراقی وەرانوەر ١٠٠ دۆلار ئەمریکی، و نرخ سەنینی رەسیە ١٤٧٠٠٠ دینار عراقی.