بەرزەوبوین نرخ دۆلار لە بەغدا و هەولێر
2022-10-09T07:32:54+00:00
شەفەق نيوز/ نرخ دۆلار ئەمریکی وەرانوەر دینار عراقی، ئمڕوو یەکشەممە، لە بۆرسەی سەرەکی بەغداد پایتەخت و هەولێر پایتەخت هەرێم کوردستان بەرزەوبوی .
پەیامنێر ئاژانس شەفەق نيوز وت: نرخ دۆلار بۆرسەی کیفاح و حارسیە لە بەغداد پایتەخت شەوەکی ئمڕوو رەسیە 148175 دینار عراقی وەرانوەر 100 دۆلار ئەمریکی. دویکە شەممە، نرخ دۆلار رەسیە 148000 دینار عراقی وەرانوەر 100 دۆلار ئەمریکی.
پەیامنێرمان وتیش؛ نرخ فرووشتن و سەنین لە دوکانەیل بەغداد جیگیربوی، ک نرخ فرووشتن رەسیە 148500 دینار عراقی وەرانوەر 100 دۆلار ئەمریکی، و نرخ سەنینی رەسیە 147500 دینار.
لەهەولێر پایتەخت هەرێم کوردستانیش نرخ دۆلار بەرزەوبوین وەخوەیدی، ک نرخ فروشتن رەسیە 148100 عراقی وەراوەر 100 دۆڵار ئەمریکی، و نرخ سەنینی 148000 عراقی وەرانوەر 100 دۆلار ئەمریکی.
