بەرزەوبوین نرخ دۆلار لە بەغدا و داوەزینی لە هەولێر
2023-10-08T07:55:17+00:00
شەفەق نيوز/ نرخ دۆلار ئەمریکی وەرانوەر دینار عراقی، ئمڕوو یەکشەممە، لە بازاڕەیل بەغدا بەرزەوبوی و هەولێر پایتەخت هەرێم کوردستان داوەزی.
پەیامنێر ئاژانس شەفەق نيوز وت: نرخ دۆلار بۆرسەی کیفاح و حارسیە لە بەغداد پایتەخت ئمڕوو رەسیە 158350 دینار عراقی وەرانوەر 100 دۆلار ئەمریکی، نرخ ١٠٠ دۆلار دویەکە شەممە رەسیە 157500 دینار عراقی.
پەیامنێرمان وتیش؛ نرخ فرووشتن و سەنین لە دوکانەیل بەغداد جیگیرە وە خوەی دی ، کە نرخ فرووشتن رەسیە 159250 دینار عراقی وەرانوەر 100 دۆلار ئەمریکی، و نرخ سەنینی رەسیە 157250 دینار.
لەهەولێر پایتەخت هەرێم کوردستانیش نرخ دۆلار داوەزین وەخوەیدی، کە نرخ فروشتن رەسیە 157700 عراقی وەراوەر 100 دۆڵار ئەمریکی، و نرخ سەنینی 157600 عراقی وەرانوەر 100 دۆلار ئەمریکی.
