بەرزەوبوین نرخ دۆلار دویای تەواوبوین پشوو جەژن لە بەغداد
2022-07-16T07:41:12+00:00
شەفەق نیوز/ نرخ دۆلار ئەمریکی وەرانوەر دینار عراقی، ئمڕوو شەممە، لە بۆرسەی سەرەکی بەغداد پایتەخت، بەرزەو بوی.
پەیامنێر ئاژانس شەفەق نيوز وت: نرخ دۆلار ئەمریکی وەرانوەر دینار عراقی لە بۆرسەی کیفاح و حارسیە لە بەغداد پایتەخت، شەوەکی ئمڕوو، رەسیە ١٤٨٦٠٠ دینار عراقی وەرانوەر ١٠٠ دۆلار ئەمریکی.
رووژ پەنجشەممە ٣ی تەمووز، نرخ دۆلار لە بۆرسەیل بەغداد، وەرجە پشوو جەژن قوربان، رەسیە ١٤٨٣٥٠ دینار عراقی وەرانوەر ١٠٠ دۆلار ئەمریکی.
پەیامنێر ئاژانسمان وتیش: نرخ فرووشتن و سەنین لە دوکانەیل ناوخۆیی بەغداد بەرزەو بوی، ک نرخ فرووشتن رەسیە ١٤٨٥٠٠ دینار عراقی وەرانوەر ١٠٠ دۆلار ئەمریکی، و نرخ سەنینی رەسیە ١٤٧٥٠٠ دینار عراقی.
