بەرزەوبوین نرخ تەڵا لە بازاڕەیل عراق

شەفەق نیوز/ نرخ تەڵای بیگانە و عراقی لە بازاڕە ناوخۆیەیلە، ئمڕوو دووشەممە، بەرزەو بوی.  

پەیامنێر ئاژانس شەفەق نيوز وت: نرخ فرووشتن یەک مسقاڵ عەیار 21 لە تەڵای خەلیجی و تورکی و ئەوروپی لە بازاڕەیل بڕ فرووشتن لە جادەی نەهر بەغدای پایتەخت رەسیە 352 هەزار دینار، و نرخ سەنینی رەسیە 348 هەزار دینار. دویکە نرخەگەی 347 هەزار دینار بوی. 

پەیامنێر ئاژانسمان وتیش: نرخ فرووشتن یەک مسقاڵ عەیار 21 لە تەڵای عراقی هەمیش بەرزەوبوین توومار کرد لەپای 312 هەزار دینار، و نرخ سەنینی رەسیە 308 هەزار دینار.  

لەباوەت نرخ تەڵا لە دوکان زەرەنگەریلە، نرخ فرووشتن یەک مسقاڵ تەڵای خەلیجی عەیار 21 هالە ناونی 350 هەزار دینار و 360 هەزار دینار، و نرخ فرووشتن یەک مسقاڵ تەڵای عراقی ها ناونی 310 هەزار دینار و 320 هەزار دینار.