بەرزەوبوین کەمیگ نرخ دۆلار وەگەرد بەسیان بۆرسەی بەغداد و هەولێر
2023-04-17T15:02:03+00:00
شەفەق نیوز/ نرخ دۆلار ئەمریکی وەرانەوەر دینار عراقی، ئمڕوو دووشەممە، وەگەرد بەسیان بۆرسەی سەرەکی بەغداد پایتەخت، و لە هەولێر پایتەخت هەرێم کوردستان، وەشیوەیگ کەمیگ بەرزەو بوی.
پەیامنێر ئاژانس شەفەق نیوز وت: بۆرسەی سەرەکی کیفاح لە بەغداد پایتەخت، ئیوارەی ئمڕوو، لەبان نرخ ١٤٤١٥٠ دینار عراقی وەرانوەر ١٠٠ دۆلار ئەمریکی دەری بەساد.
شەوەکی ئمڕوو، نرخ ١٠٠ دۆلار ئەمریکی رەسیە ١٤٥١٠٠ دینار عراقی.
پەیامنێر ئاژانسمان وتیش: نرخ فرووشتن و سەنین لە دوکانەیل ناوخوەیی بەغداد جیگر بوی، ک نرخ فرووشتن ١٠٠ دۆلار ئەمریکی رەسیە ١٤٥٠٠٠ دینار عراقی، و نرخ سەنینی رەسیە ١٤٣٠٠٠ دینار عراقی.
لە هەولێر پایتەخت هەرێم کوردستان، نرخ دۆلار هەمیش وەگەرد بەسیان بۆرسە بەرزەو بوی، ک نرخ فرووشتن ١٠٠ دۆلار ئەمریکی رەسیە ١٤٤٦٥٠ دینار عراقی، و نرخ سەنینی رەسیە ١٤٣٦٥٠ دینار عراقی.
