بەرزەوبوین کەمیگ نرخ دۆلار لە بەغداد و هەولێر
![بەرزەوبوین کەمیگ نرخ دۆلار لە بەغداد و هەولێر](https://arcellabucket.fra1.cdn.digitaloceanspaces.com/media/arcella/1725524330343.jpg)
شەفەق نيوز/ نرخ دۆلار ئەمریکی وەرانوەر دینار عراقی، ئمڕوو پەنجشەممە، لە بۆرسەی سەرەکی بەغداد پایتەخت و لە هەولێر بەرزەوبوی.
پەیامنێر ئاژانس شەفەق نيوز وت: نرخ دۆلار بۆرسەی کیفاح و حارسیە لە بەغداد پایتەخت شەوەکی ئمڕوو رەسیە 149450 دینار عراقی وەرانوەر 100 دۆلار ئەمریکی. رووژ چوارشەممە، نرخ دۆلار رەسیە 149200 دینار عراقی وەرانوەر 100 دۆلار ئەمریکی.
پەیامنێرمان وتیش؛ نرخ فرووشتن و سەنین لە دوکانەیل بەغداد رەسیە 150500 دینار عراقی وەرانوەر 100 دۆلار ئەمریکی، و نرخ سەنینی رەسیە 148500 دینار.
لەهەولێر پایتەخت هەرێم کوردستانیش نرخ دۆلار بەرزەوبوین وەخوەیدی، کە نرخ فروشتن رەسیە 149400 عراقی وەراوەر 100 دۆڵار ئەمریکی، و نرخ سەنینی 149300 عراقی وەرانوەر 100 دۆلار ئەمریکی.