بەرزەوبوین کەمیگ نرخ تەڵا لە بازاڕەیل عراق
2022-06-20T09:05:06+00:00
شەفەق نیوز/ نرخ تەڵای بیگانە و عراقی لە بازاڕە ناوخۆیەیلە، ئمڕوو دوشەممە، بەرزەوبوین وە خوەی دی.
پەیامنێر ئاژانس شەفەق نيوز وت: نرخ فرووشتن یەک مسقاڵ عەیار 21 تەڵای خەلیجی و تورکی و ئەوروپی لە بازاڕەیل بڕ فرووشتن لە جادەی نەهر بەغدای پایتەخت رەسیە 380 هەزار دینار، و نرخ سەنینی رەسیە 376 هەزار دینار، نرخ فروشتنی لە دویکە یەکشەممە رەسیە 379.
پەیامنێر ئاژانسمان وتیش: نرخ فرووشتن یەک مسقاڵ عەیار 21 لە تەڵای عراقی هەمیش بەرزەوبوین وەخوەی دی لەپای 340 هەزار دینار، و نرخ سەنینی رەسیە 336 هەزار دینار.
لەباوەت نرخ تەڵا لە دوکان زەرەنگەریلە، نرخ فروشتن یەک مسقاڵ تەڵای خەلیجی عەیار 21 ها ناونی 380 هەزار دینار و 390 هەزار دینار، و نرخ یەک مسقاڵ تەڵای عراقی ها ناونی 340 هەزار دینار و 350 هەزار دینار.
