بەرزەوبوین کەمیگ لە نرخ دۆلار وەگەرد بەسیان بازاڕەیل بەغداد
2022-06-11T15:02:40+00:00
شەفەق نیوز/ نرخ دۆلار ئەمریکی وەرانوەر دینار عراقی، ئمڕوو شەممە، وەگەرد بەسیان بۆرسەی سەرەکی بەغداد، وەشیوەی کەمیگ بەرزەو بوی.
پەیامنێر ئاژانس شەفەق نيوز وت: بۆرسەی کیفاح و حارسیە لە بەغداد پایتەخت لەبان ١٤٨٣٠٠ دینار عراقی وەرانوەر ١٠٠ دینار عراقی دەرەیلیان بەسان.
شەوەکی ئمڕوو، نرخ دۆلار رەسیە ١٤٨٣٥٠ دینار عراقی وەرانوەر ١٠٠ دۆلار ئەمریکی.
پەیامنێر ئاژانسمان وتیش: نرخ فرووشتن و سەنین لە دوکانەیل ناوخۆیی بەغداد داوەزی، ک نرخ فرووشتن رەسیە ١٤٨٥٠٠ دینار عراقی وەرانوەر ١٠٠ دۆلار ئەمریکی، و نرخ سەنینی رەسیە ١٤٧٥٠٠ دینار عراقی.
