بەرزەوبوین کەمیگ لە نرخ دۆلار وەگەرد بەسیان بۆرسەی بەغداد و هەولێر
![بەرزەوبوین کەمیگ لە نرخ دۆلار وەگەرد بەسیان بۆرسەی بەغداد و هەولێر](https://media.shafaq.com/media/arcella/1673108447440.jpg)
پەیامنێر ئاژانس شەفەق نیوز وت: بۆرسەی کیفاح و حارسیە لە بەغداد پایتەخت، ئیوارەی ئمڕوو، لەبان نرخ ١٥٦٠٠٠ دینار عراقی وەرانوەر ١٠٠ دۆلار ئەمریکی دەرەیلیان بەسان.
شەوەکی ئمڕوو، نرخ ١٠٠ دۆلار ئەمریکی رەسیە ١٥٥٨٥٠ دینار عراقی.
پەیامنێر ئاژانسمان وتیش: نرخ فرووشتن و سەنین لە دوکانەیل ناوخوەیی بەغداد بەرزەو بوی، ک نرخ فرووشتن ١٠٠ دۆلار ئەمریکی رەسیە ١٥٦٥٠٠ دینار عراقی، و نرخ سەنینی رەسیە ١٥٥٥٠٠ دینار عراقی.
لە هەولێر پایتەخت هەرێم کوردستان، نرخ دۆلار وەگەرد بەسیان بۆرسە داوەزین توومار کرد ، ک نرخ فرووشتن ١٠٠ دۆلار ئەمریکی رەسیە ١٥٥٧٥٠ دینار عراقی، و نرخ سەنینی رەسیە ١٥٥٦٥٠ دینار عراقی.