بەرزەوبوین کەمیگ لە نرخ تەڵا لە بازاڕەیل عراق

شەفەق نیوز/ نرخ تەڵای بیگانە و عراقی لە بازاڕە ناوخۆیەیلە، ئمڕوو چوارشەممە ٨ حوزەیران ٢٠٢٢ ، وەشیوەی کەمیگ بەرزەو بوی.   

پەیامنێر ئاژانس شەفەق نيوز وت: نرخ فرووشتن یەک مسقاڵ عەیار ٢١ لە تەڵای خەلیجی و تورکی و ئەوروپی لە بازاڕەیل بڕ فرووشتن لە جادەی نەهر بەغدای پایتەخت رەسیە ٣٨١ هەزار دینار، و نرخ سەنینی رەسیە ٣٧٧ هەزار دینار.  

پەیامنێر ئاژانسمان وتیش: نرخ فرووشتن یەک مسقاڵ عەیار ٢١ لە تەڵای عراقی هەمیش بەرزەوبوین توومار کرد لەپای ٣٤١ هەزار دینار، و نرخ سەنینی رەسیە ٣٣٧ هەزار دینار.   

لەباوەت نرخ تەڵا لە دوکان زەرەنگەریلە، نرخ فرووشتن یەک مسقاڵ تەڵای خەلیجی عەیار ٢١ هالە ناونی ٣٨٠ هەزار دینار و ٣٩٠ هەزار دینار، و نرخ تەڵای عراقی ها ناونی ٣٤٠ هەزار دینار و ٣٤٠ هەزار دینار.