بەرزەوبوین پلەی گەرمی و خوەڵوتووز.. کەشناسی عراق لەی رووژەیل بانانە
2024-07-03T08:24:59+00:00
شەفەق نیوز/ دەسەی کەشناسی عراق، ئمڕوو چوارشەممە، مەزەنەی کەشوهەوای وڵاتەگە ئەرا ئی رووژەیل بانانە بڵاو کرد، و باس بەرزەوبوین پلەی گەرمی و هەڵکردن خوەڵوتووز کرد.
دەسەگە لە بەیاننامەیگ رەسیە ئاژانس شەفەق نیوز وت: کەشوهەوای وڵاتەگە ئەرا سوو پەنجشەممە، ئاسمان رووشنە و پلەی گەرمی کەمیگ بەرزەو بوود، و وا لە ناوچەی ناوڕاس و باشوور رەسێدە
(20 – 30) كم/س.
وتیش: رووژ جمعە، ئاسمان رووشنە و پلەی گەرمی چەن پلەیگ بەرزەو بوود، و وا لە ناوچەی ناوڕاس و باشوور رەسێدە (20 – 30) كم/س.
دیاری کرد کە رووژ شەممەی ئایندە ئاسمان رووشنە و پلەی گەرمی نزیک رووژ وەرجە خوەیە، و دویای نیمەڕو خوەڵوتووز هەڵکەێد.
دەسەگە وتیش: کەشوهەوای وڵاتەگە ئەرا رووژ یەکشەممەی ئایندە، خوەڵوتووز هەس، و پلەی گەرمی چەن پلەیگ نزمەو بوود.
