بەرزەوبوین پلەی گەرمی.. کەشوھەوای عراق لەی رووژەیل بانانە
2024-03-26T07:59:15+00:00
شەفەق نیوز/ دەسەی کەشناسی عراق، ئمڕوو سێشەممە، کەشوھەوای وڵاتەگە لەی رووژەیل بانانە بڵاو کرد، و باس بەرزەوبوین پلەی گەرمی کرد.
دەسەگە لە بەیاننامەیگ رەسیە ئاژانس شەفەق نیوز وت: سوو چوارشەممە، کەشوھەوای گشت ناوچەیل وڵاتەگە رووشنە بوودە نیمچە ئەور، و پلەی گەرمی لە ناوچەی ناوڕاس نزیک رووژ وەرجە خوەیە، و لە ناوچەی باکوور و باشوور کەمیگ بەرزەو بوود.
وتیش: رووژ پەنجشەممە، لە گشت وڵاتەگە نیمچە ئەورەر و پلەی گەرمی لە ناوچەی ناوڕاس کەمیگ بەرزەو بوود، و لە ناوچەی باکوور و باشوور نزیک رووژ وەرجە خوەیە.
هەمیش وت: رووژ جمعە، لە گشت وڵاتەگە رووشنە، و پلەی گەرمی کەمیگ بەرزەو بوود.
دەسەگە دیاری کرد کە کەشوھەوای وڵاتەگە ئەرا رووژ شەممەی ئایندە لە گشت وڵاتەگە ئەورە تا نیمچە ئەور، و پلەی گەرمی لە بەشەیل ناوڕاس و باشوور نزیک رووژ وەرجە خوەیە، و لە ناوچەی باکوور کەمیگ بەرزەو بوود.
