بەرزەوبوین فرووشتنەیل بانک ناوەندی عراقی لە دۆلار
2021-02-17T10:03:04+00:00
شەفەق نیوز/فرووشتنەیل بانک ناوەندی عراقی لە پارەی گران، ئمڕوو چوارشەممە، وەرێژەی ٨٪ بەرزەو بوی، تا بڕەسێدە زیاتر لە ٥٤ ملیۆن دۆلار ئەمریکی.
پەیامنێر ئاژانس شەفەق نیوز وت: بانک ناوەندی عراقی لە بانگەشەی فرووشتن پارە بیگانەگان ئمڕوو، بەرزەوبوینیگ لە فرووشتنەگانی وەڕێژەی ٨،١٩٪ وەخوەی دی، تا بڕەسێدە ٥٤ مەلیۆن و ٦٦٨ هەزار دۆلار، بانکەگە وە نرخ ١٤٦٠ دینار ئەرا هەر یەک دۆلار پووشادەی، وە بەراوردی وەگەرد دوێەکە سێشەممە ک فرووشتنەگانی رەسیە ٥٠ مەلیۆن و ٣٤٥ هەزار دۆلار.
وتیش؛ گشت فرووشتنەگان ک رەسینە ٥٤ مەلیۆن و ٤٦٨ هەزار و ٢٧٥ دۆلار، ئەرا پاڵپشتی بنمایەگان لە دەیشت وەشیوەی هەواڵە و چەک چگن، و ئەو ٢٠٠ هەزار دۆلارەگە وە شیوەی کاش چگ.
پەیامنێرەگەمان ئاماژە کرد ک ١٢ بانک داواکاریەیل پاڵپشتی بنمایەگان لە دەیشت جیوەجی کردن، و دوو بانک وەشیوەی کاش داواکاریەگان جیوەجی کردن.
