بەرزەوبوین فرووشەیل بانک ناوەندی عراق وەڕیژەی ٩٧٪

شەفەق نیوز/ فرووش هەواڵەی دەرەکی لە زیایکردن ئاشکرای بانک ناوەندی عراق، ئمڕوو دووشەممە، وەچەو فرووش کاش وە ریژەی ٩٧% زیای کرد، و رەسیە زیاتر لە ٢٥٧ ملیۆن دۆلار.

 پەیامنێر ئاژانس شەفەق نیوز وت: ئمڕوو بانک ناوەندی لە زیایکردن ئاشکرای بڕ ٢٦٥ ملیۆن و ٩٦٤ هەزار و ٥٠ دۆلار فرووشت، کە وە نرخ بنەڕەتی ١٣١٠ دینار ئەرا هەر دۆلاریگ ئەرا کرێدیت دۆکیۆمێنتاری و یەکلاییکردن ناودەوڵەتی ئەرا کارت ئەلیکترۆنی بویە، ەە نرخ یەک هەزار و ٣١٠ دینار ئەرا هەر دۆلاریگ ئەرا هەواڵەی دەرەکی، و وە نرخ 1,305 دینار ئەرا هەر دۆلاریگ وە کاش.

وتیش: فرەی فرووش دۆلار ئەرا قایمکردن باڵانسەیل دەیشت وڵات وەشیوەی هەواڵە و کرێدت چگە، کە بڕی 257 ملیۆن و 464 هەزار و 50 دۆلار بویە، کە وەڕیژەی 97% زیادیکردگە لە فرووش کاش کە بڕی 8 ملیۆن و 500 هەزار دۆلار بوبە.

 پەیامنێرمان وتیش: شمارەی ئەو بانکەیلە کە دۆلار کاش سەننە یەک بانک بویە، و شمارەی ئەو بانکەیلە کە وەڵام داواکارییەیل بەرزکردن باڵانسەیل دانەسەو لە دەیشت وڵات رەسیەسە ١٦ بانک، و بڕ گشتی کۆمپانیایل ئاڵوگۆڕ و دەڵاڵی کە بەشداری لە زیادکردنەگە کردنە ١٤ کۆمپانیا بویە.