بەرزەوبوین ئامار گورزە نادیارەیل وەبان میلیشیایل نزیک سنوور عراق
شەفەق نیوز/ روانگەی ماف مرۆڤ سوریا، شەوەکی ئمڕوو یەکشەممە، کوشیان ١٥ ئەندام لە میلیشیایل، و زەخمداری ٣٥ ترەک راگەیان، لە ئەنجام گورزیلیگ وەبان دیر زۆر و بوکەمال و خاڵەیلیگ لەبان سنوور عراق.
فڕۆکەیل جەنگی نادیاریگ پەلامار شوین چەکدارەیل لە شار دیر زۆر و ئاوای خوەرهەڵاتی دان، کە فڕۆکەیل جەنگی ٥ گورز ئاسمانی جیوەجی کردن، سەربازگەیگ و راداریگ٨لە دەورگرد فڕۆکەخانەی دیر زۆر و بارەگایگ لە جادەی بۆرسەعید لە گەڕەک عومال کردنە ئامانج، و رەسینە بوکەمال نزیک سنوور سوریا - عراق.
١٥ کەس لە میلیشیایل سەروە ئیران کوشیان، کە تا ئیسە ناسنامەیان نادیارە، لە بوکەمال و دیر زۆر، وەگەرد شمارەی گەورەیگ لە زەخمداریل، کە تا ئیسە دیار نییە کی ئی پەلامارەیلە جیوەجی کردگە، کە ئایا ئەمریکا بویە یا ئیسرائیل.
وەرجەیە، وەرپرسیگ ئەمنی عراقی، خەوەردا کە گورزیگ ئاسمانی شوین کەتائیب سەید شوهەدا لەبان سنوور عراق و سوریا کردە ئامانج.
