بەرزەوبوین ئامار پەلامار داعش لە کەرکوک ئەرا دوو قوربانی و ٤ زەخمدار لە هێزە ئەمنیەگان

شەفەق نیوز/ سەرچەوەیگ ئەمنی وەرپرس، ئمڕوو شەممە، خەوەردا لە بەرزەوبوین ئامار پەلامارەگەی ریخریاگ داعش لە بان پۆلیس فیدڕاڵی لە باشوور کەرکوک.
سەرچەوەگە ئەرا ئاژانس شەفەق نیوز وت: ئامار پەلامارەگەی دوێەکەی ریخریاگ داعش لەناوچەی وادی خەنازیر لەناوبەین ناحیەی ریاز و رەشاد لە باشوور کەرکوک بەرزەو بوی ئەرا دوو قوربانی و چوار زەخمدار لە پۆلیس فیدڕاڵی.
دوێەکە جمعە ئیوارەگەی، ریخریاگ داعش پەلاماریگ دەژوە خاڵیگ ئەمنی ئەرا پۆلیس فیدڕاڵی لەو ناوچە کرد.