بەرزەوبۊن نرخ دۆلار لە بەغداد
2021-10-03T07:36:19+00:00
شەفەق نیوز/ نرخ دۆلار ئەمریکی وەرانوەر دینار عراقی، ئمڕوو یەکشەممە، لە بۆرسەی سەرەکی بەغداد پایتەخت بەرزەو بۊی.
پەیامنێر ئاژانس شەفەق نيوز وت: بۆرسەی کیفاح و حارسیە لە بەغداد، شەوەکی ئمڕوو، ١٤٧٦٥٠ دینار وەرانوەر ١٠٠ دۆلار ئەمریکی توومار کردن.
دۊیەکە شەممە، نرخ دۆلار رەسیە ١٤٧٣٠٠ دینار وەرانوەر ١٠٠ دۆلار ئەمریکی.
پەیامنێرمان وتیش:نرخ فرووشتن و سەنین لە بازاڕە ناوخۆیەیلەی بەغداد بەرزەو بۊی، ک نرخ فرووشتن رەسیە ١٤٨٠٠٠ دینار عراقی وەرانوەر ١٠٠ دۆلار ئەمریکی، و نرخ سەنینی رەسیە ١٤٧٠٠٠ دینار.
