بەرزەوبۊن نرخ دۆلار لە بەغدا و هەولێر

شەفەق نیوز/ نرخ دۆلار ئەمریکی وەرانوەر دینار عراقی، ئمڕوو چوارشەممە،  لە بۆرسەی سەرەکی بەغداد و لە هەرێم کوردستان بەرزەو بۊی.     

پەیامنێر ئاژانس شەفەق نيوز وت: بۆرسەی کیفاح و حارسیە لە بەغداد پایتەخت،  ئمروو 148000 دینار عراقی وەرانوەر 100 دۆلار ئەمریکی توومار کریا.     

دوێکە سێشەممە، نرخ دۆلار  147900 دینار عراقی وەرانوەر 100 دۆلار ئەمریکی توومار کریا.   

پەیامنیرمان وتیش؛ نرخ فرووشتن و سەنین لە دوکانەیل بەغداد جیگیرە  ،  ک نرخ فرووشتن رەسیە 148500 دینار عراقی وەرانوەر 100 دۆلار ئەمریکی،  و نرخ سەنینی رەسیە 147500 دینار عراقی وەرانوەر 100 دۆلار ئەمریکی.    

لە هەولێر پایتەخت هەرێم کوردستان،  نرخ دۆلار بەرزەوبووین وەخوەی دی، ک نرخ فرووشتن رەسیە 148200 دینار عراقی وەرانوەر 100 دۆلار ئەمریکی،  و نرخ سەنینی رەسیە 148000 دینار وەرانوەر 100 دۆلار ئەمریکی.