بەرزەوبۊین نرخ دۆڵار لە بەغدا و هەولێر
2021-12-26T08:13:20+00:00
شەفەق نیوز/ نرخ دۆلار ئەمریکی وەرانوەر دینار عراقی، ئمڕوو یەکشەممە، لە بۆرسەی سەرەکی بەغداد پایتەخت و هەرێم کوردستان بەرزەوبۊی.
پەیامنێر ئاژانس شەفەق نيوز وت: بۆرسەی کیفاح و حارسیە لە بەغداد، شەوەکی ئمڕوو 147950 دینار عێراقی وەرانوەر 100 دۆلار ئەمریکی توومار کردن.
دۊیەکە شەممە، نرخ دۆلار رەسیە 147900 دینار وەرانوەر 100 دۆلار ئەمریکی.
پەیامنێرمان وتیش؛ نرخ فرووشتن و سەنین لە دوکانەیل ناوخۆیی بەغداد جۊر خوەی مەنییە، نرخ فرووشتن رەسیە 148500 دینار عێراقی وەرانوەر 100 دۆلار ئەمریکی، و نرخ سەنینی رەسیە 147500 دینارعێراقی .
لەهەولێر پایتەخت کوردستانیش نڕخ دۆلار بەرزەوبۊی، نڕخ فروشتنی رەسیە 148175 عێراقی وەراوەر 100 دۆڵار ئەمریکی، و نڕخ سەنینی 148000 عێراقی وەرانوەر 100 دۆلار ئەمریکی.
