بەرزەوبۊین نرخ دۆڵار لە بەغدا و هەولێر
2022-03-01T07:38:32+00:00
شەفەق نیوز/ نرخ دۆلار ئەمریکی وەرانوەر دینار عراقی، ئمڕوو سێشەممە، لە بۆرسەی سەرەکی بەغداد پایتەخت و هەرێم کوردستان بەرزەوبۊی.
پەیامنێر ئاژانس شەفەق نيوز وت: بۆرسەی کیفاح و حارسیە لە بەغداد، شەوەکی ئمڕوو 147200 دینار عراقی وەرانوەر 100 دۆلار ئەمریکی توومار کردن.
دۊیەکە دوشەممە نرخ دۆلار رەسیە 146400 دینار وەرانوەر 100 دۆلار ئەمریکی.
پەیامنێرمان وتیش؛ نرخ فرووشتن و سەنین لە دوکانەیل ناوخۆیی بەغداد ئارامگردیە، نرخ فرووشتن رەسیە 147750 دینار عراقی وەرانوەر 100 دۆلار ئەمریکی، و نرخ سەنینی رەسیە 146750 دینارعراقی .
لەهەولێر پایتەخت کوردستانیش نرخ دۆلار بەرزەوبۊی، نڕخ فروشتنی رەسیە 147250 عراقی وەراوەر 100 دۆڵار ئەمریکی، و نرخ سەنینی 146500 عراقی وەرانوەر 100 دۆلار ئەمریکی.
