بەرزەوبۊین کەمیگ لە نرخ دۆڵار لە بەغداد و هەولێر
2022-01-12T07:30:42+00:00
شەفەق نیوز/ نرخ دۆلار ئەمریکی وەرانوەر دینار عراقی، ئمڕوو چوارشەممە، لە بۆرسەی سەرەکی بەغداد پایتەخت و هەرێم کوردستان بەرزەوبۊی.
پەیامنێر ئاژانس شەفەق نيوز وت: بۆرسەی کیفاح و حارسیە لە بەغداد، شەوەکی ئمڕوو 148100 دینار عێراقی وەرانوەر 100 دۆلار ئەمریکی توومار کردن.
دۊیەکە سێشەممە، نرخ دۆلار رەسیە 148050 دینار وەرانوەر 100 دۆلار ئەمریکی.
پەیامنێرمان وتیش؛ نرخ فرووشتن و سەنین لە دوکانەیل ناوخۆیی بەغداد جۊر خوەی مەنییە، نرخ فرووشتن رەسیە 148500 دینار عێراقی وەرانوەر 100 دۆلار ئەمریکی، و نرخ سەنینی رەسیە 147500 دینارعێراقی .
لەهەولێر پایتەخت کوردستانیش نڕخ دۆلار بەرزەوبۊی، نڕخ فروشتنی رەسیە 148200 عێراقی وەراوەر 100 دۆڵار ئەمریکی، و نڕخ سەنینی 148000 عێراقی وەرانوەر 100 دۆلار ئەمریکی.
